| Sprecher | Hoi Tomi, wie gsesch dänn du us? |
| Tomi | Au, au, au min Chopf, mini Bei, min Arm, alles tuet weh. Au, au, au! |
| Sprecher | He Tomi, du häsch doch gseit, du gahsch id Skiferie. Du häsch dich doch so druf gfreut. |
| Tomi | Ja, ja druf gfreu, druf gfreut. |
| Sprecher | Ja säg emal, was isch dänn passiert? |
| Tomi | Oh, eigentlich gar nüt so spannends. |
| Sprecher | Ja das nimmt mich jetzt aber grad ganz fescht wunder, was du wiederemal gmacht häsch. |
| Tomi | Ich han eigentlich nur eimal nöd gfolget, und jetzt gseh ich so us. |
| Sprecher | Uh, das isch aber krass, wämer eso usgseht vom nöd folge. Also ich han au scho mal nöd gfolget... |
| Tomi | Aha, du häsch also au scho mal nöd gfolget. Verzell doch mal, das nimmt eus sicher alli wunder. |
| Sprecher | Nei, nei, es gaht da nöd um mich, hie gahts allei um dich! |
| Tomi | Also guet, ich han mich gweigeret immer das Skiufwärmeturne mitzmache. Und dänn bin ich mal us em stah so blöd umgheit. Und will mini Glänk nöd ufgwärmt gsi sind, han ich mir mega fescht weh gmacht. Also ich gib eu en Gratistip. Vor em Skifahre immer guet ufwärme! |
| Sprecher | Also Tomi, ich wünsch dir gueti Besserig und das du bald wieder chasch go skilä. |