| Sprecher | Hoi DJ-Limmi, cools Gwändli häsch a. |
| DJ | Du gäll, das isch dänn keis Gwändli! |
| Sprecher | Oh..., entschuldigung, ich meine, du häsch en coole Trainer a. |
| DJ | Bitte nein, en Trainer. Das isch doch kein Trainer! |
| Sprecher | Ja was isch es dänn bitteschön? |
| DJ | Ich han es Superma Chleid a. Ich bin so starch und cool wie dä Superma, yeah! |
| Sprecher | Du, ich finds ja toll, das du Superma fän bisch, aber glaubsch nöd, dass du es bitzli übertriebsch? |
| DJ | Ich übertriebe? Nei nei, nie im Läbe! |
| Sprecher | Du DJ, hinksch du es bitzli? |
| DJ | Äh nein, sicher nöd. |
| Sprecher | Nöd? Also chum, lauf emal es bitzli. |
| DJ | OK. Ich gibs ja zue, min Fuess tuet mir hüt schüli weh. |
| Sprecher | Ja was isch dänn mit eusem mega Superma passiert? |
| DJ | Das isch furchtbar peinlich... Ich han mich ebä grad so megamässig als Superma gfühlt und bin dänn vonerä höche Stäge abegumped. Leider hät das mit em Flüge irgendwie nöd klappet und ich bin dänn komischerwiis zimli härt uf mim Fuess glandet. |
| Sprecher | Oh, das tuet mir aber leid. S'isch vielicht nöd die bescht Idee wämmer so am Superma nahiferet. |
| DJ | Ja, das gsehn ich au i. Aber ich wett doch so gern än Held känne. Ich meine, so en richtige Held, wo ich so krass chönt verehre. |
| Sprecher | He, ich känne de allerbeschti Held. Er isch dä gröscht, dä bescht, dä coolscht, er chan alles, er weiss alles, er isch immer da und hät euis erscht no mega fescht gärn! |
| DJ | Wow! Du känsch de persönlich? Chönt ich de au kännelerne? |
| Sprecher | Logo. Weisch ich rede vo Jesus. He, pass guet uf im Teaching, und du wirsch Jesus känne lernä! |
| DJ | OK! Mach ich, super. |